SPINTURNIX seu SPINTURNICIUM

SPINTURNIX, seu SPINTURNICIUM

veterib. Romanis dicta sphinx, genitivô σφιγγὸς productô, uti supra ostendimus: Quadrupes videl. turpis figurae, fuscô pilô, mammis in pectore geminis, Plinius l. 8. c. 21. in aridis Aegypti et locis Aethiopiae vicinis frequens, ut habet Agatharchides, Diodorus l. 3. Amm. Marcell. l. 22. cui postmodum alas affinxêre Graeci: Aegyptii certe, ut erant, sine alis semper pinxêre. Hinc de homine aut muliere deformi. Vetus versus,

Occursatrix artificum pessim spinturnix.

Et Plautus, Milit. Actu 4. sc. 1. v. 42.

Pithecium prae illa et spinturnicium etc.

Vide Salmas. ad Solin. p. 377. Non desunt tamen, qui meras fabulas omnem Spinturnicum seu Sphingum historiam asseverant, ut P. Bellonius Observation. l. 2. c. 46. quem vide ex diversis formis veter. Operum suam sententiam confirmantem.